Vissam Ben-Yedder qamoqxona o‘rniga reabilitasiyadan o‘tmoqchi.

O‘tgan haftada "Monako"ning sobiq forvardi jinsiy zo‘ravonlikda ayblanib, hibsga olingandi - voqea Ben-Yedderning mashinasida, futbolchi mast holatda bo‘lganida sodir bo‘lgan.

L’Equipe nashri xabariga ko‘ra, bugun Provans apellyasiya sudi Ben-Yedderni qattiq sud nazorati ostida ozod qilish haqidagi qaror ustidan shikoyat qilgan Nissa prokuraturasining arizasini ko‘rib chiqdi. Prokurorlar Ben-Yedderni 15 oktyabr kuni bo‘lib o‘tadigan sud jarayonigacha hibsda saqlashni talab qilmoqda.

Sud jarayonida Ben-Yedder o‘ziga qo‘yilgan barcha cheklovlarga qat’iy rioya qilishini ta’kidladi va tergov hibsxonasi o‘rniga reabilitasiyadan o‘tishni taklif qildi. Sud qarori chorshanba kuni ertalab chiqishi kutilmoqda.

Eslatib o‘tamiz, o‘tgan yilning avgust oyida Vissam "zo‘rlash, zo‘rlashga urinish va jinsiy zo‘ravonlik"da ayblangan. O‘shanda u 900 ming yevro miqdorida garov evaziga ozod qilingan.