Xarri Keyn mavsumdagi 7 o‘yindan 5 tasida gol urdi.
“Bavariya” hujumchisi Chempionlar ligasi doirasida Zagrebning “Dinamo”siga qarshi o‘yinning 19-daqiqasida hisobni ochdi.
31 yoshli futbolchi 16 avgustdan buyon klub va Angliya terma jamoasi safida 8 ta gol urdi, shulardan 6 tasini so‘nggi uchta o‘yinda kiritdi. 10 sentyabr kuni Keyn Finlyandiya terma jamoasiga qarshi o‘yinda dubl qayd etgan bo‘lsa, 14 sentyabr kuni "Xolshteyn Kil"ga qarshi o‘yinda xet-trik qayd etdi.
Sakkizta goldan uchtasi penaltidan kiritildi, shu jumladan bugungi.