Raul de Tomas buqalar jangiga klubni xabardor qilmasdan ketgan.
Joriy mavsumda hali bitta ham o‘yin o‘tkazmagan "Rayo Valyekano" forvardi o‘tgan yakshanba kuni o‘z agenti Alexandro Chicharro tomonidan uyushtirilgan buqalar jangiga tashrif buyurdi.
Futbolchi klubni xabardor qilmasdan Fransiyaga yo‘l olgan, deb xabar beradi COPE.
Bu harakat klubning noroziligiga sabab bo‘ldi, chunki futbolchi buni La Liganing 5-turida "Rayo"ning "Osasuna"ga qarshi o‘yinidan bir kun oldin qilgan.
Hujumchi kechki mashg‘ulotlarga qaytishga muvaffaq bo‘lgan bo‘lsa-da, "Rayo" futbolchini jazolash imkoniyatini allaqachon ko‘rib chiqmoqda.
Ta’kidlanishicha, klub bu haqda futbolchining ijtimoiy tarmoqlardagi suratlari tufayli bilib qolgan.
