Xerardo Martino Lionel Messining jarohatidan keyin safga qaytganidan mamnun.

"Leo yaxshi, u o‘yinni yaxshi yakunladi. Albatta charchagan edi. U uzoq vaqtdan beri birinchi marta 90 daqiqa o‘ynadi, ammo hammasi yaxshi yakunlandi. U ikkala [keyingi] o‘yinga boradi.

U o‘ynay oladi, ammo bu hafta oldinda uchta o‘yin bor, shu jumladan safardagi o‘yinlar, shuning uchun biz uning holatini kuzatishimiz kerak.

U qayerda bo‘lishidan qat’iy nazar, biz uni doimo sog‘inamiz. Shu bois uning jamoaga qaytganidan juda xursandmiz", - dedi “Inter Mayami” bosh murabbiyi.