Saudiya Arabistoni chempionatining 4-turida “An-Nasr” 20 sentyabr, juma kuni “Al-Ittifoq”qa qarshi bahs olib bordi.

Uchrashuvning 33-daqiqasida Krishtianu Ronaldu penaltidan unumli foydalanib, hisobni ochdi. Birinchi bo‘lim Ar-Riyod jamoasining kichik ustunligi bilan yakunlandi.

Ikkinchi bo‘limda ham “An-Nasr” hujumlarini davom ettirdi. 56-daqiqaga kelib, Najdi hisobni ishonchli ko‘rinishga olib keldi. 70-daqiqada Taliska navbatdagi gol muallifiga aylandi.

Qolgan daqiqalarda darvozalar ishg‘ol etilmadi va “An-Nasr” yirik hisobda g‘alaba qozondi.

“An-Nasr” ushbu g‘aladan so‘ng ochkolari sonini 8 taga yetkazib, 4-o‘ringa ko‘tarilib oldi.

Saudiya Pro Ligasi, 4-tur bahsi
20 sentyabr, juma
“Al-Ittifoq” — “An-Nasr” 0:3
Gollar: 0:1 – 33 Ronaldu (penalti), 0:2 – 56 An-Najdiy, 0:3 – 70 Taliska.
“Al-Ittifoq”: Rodak, Al-Olayyan (Yousef, 73), Madu, Al-Xatib (Xayralla, 26), Al-Otaybi, Fofana, Veynaldum, Vitinyo (Kosta, 60), Toko-Ekambi (Xindi, 73), Dembele, Radif (Medran, 60).
“An-Nasr”: Bento, Laport, Simakan (Al-Fatil, 78), Al-G‘anam, An-Najdiy (Bushal, 58), Otavio (Ali, 78), Al-Haybari, Mane, Taliska (Maran, 78), Anjelo Gabriel (G‘arib, 57), Ronaldu.
Ogohlantirish: Fofana (49).