Londonning “Chelsi” klubi hujumkor yarim himoyachi Kendri Payesning jamoaga kelishini intiqlik bilan kutmoqda.

O‘z mamlakatida “Independyente del Valle” jamoasida to‘p surayotgan ekvadorlik futbolchi mavsum yakunida 18 yoshga to‘lganda “ko‘klar” safiga qo‘shiladi. Insayder Fabrisio Romanoning so‘zlariga ko‘ra, "Chelsi" allaqachon Payesning o‘yinidan mamnun. Ba’zi yuqori maqomga ega bo‘lgan Yevropa klublari o‘sib borayotgan yulduzni qo‘lga kirita olmaganidan afsusda.

Kendri Payes 17 yoshida Ekvadorning asosiy terma jamoasi safida 15 ta o‘yin o‘tkazib, 2 ta gol va 3 ta golli uzatmani amalga oshirishga muvaffaq bo‘ldi.