Лондоннинг “Челси” клуби ҳужумкор ярим ҳимоячи Кендри Паеснинг жамоага келишини интиқлик билан кутмоқда.
Ўз мамлакатида “Индепендьенте дел Валле” жамоасида тўп сураётган эквадорлик футболчи мавсум якунида 18 ёшга тўлганда “кўклар” сафига қўшилади. Инсайдер Фабрицио Романонинг сўзларига кўра, "Челси" аллақачон Паеснинг ўйинидан мамнун. Баъзи юқори мақомга эга бўлган Европа клублари ўсиб бораётган юлдузни қўлга кирита олмаганидан афсусда.
Кендри Паес 17 ёшида Эквадорнинг асосий терма жамоаси сафида 15 та ўйин ўтказиб, 2 та гол ва 3 та голли узатмани амалга оширишга муваффақ бўлди.
