Vaziyatlarni yakunlash bilan bog‘liq muammolar yana bir bor "Manchester Yunayted"ga qimmatga tushdi.

“Qizil iblislar” shanba kungi “Kristal Pelas”ga qarshi o‘yinning birinchi bo‘limida beshta yirik imkoniyatni boy berishdi. Tanaffusdan so‘ng “burgutlar” gol urishga yaqinroq bo‘lishdi, ammo ular ham gol ura olishmadi – 0:0.

Ayni damda aynan “Manchester Yunayted” eng ko‘p golli imkoniyatlarga ega bo‘lgan jamoalar reytingida peshqadamlik qilmoqda - beshta uchrashuvda 17 ta. Ro‘yxatda ikkinchi o‘rinni “Liverpul” va “Aston Villa” (har biri 12 ta), uchinchi o‘rinni “Tottenxem” va “Sautgempton” (11 ta) egallagan.