Вазиятларни якунлаш билан боғлиқ муаммолар яна бир бор "Манчестер Юнайтед"га қимматга тушди.

“Қизил иблислар” шанба кунги “Кристал Пэлас”га қарши ўйиннинг биринчи бўлимида бешта йирик имкониятни бой беришди. Танаффусдан сўнг “бургутлар” гол уришга яқинроқ бўлишди, аммо улар ҳам гол ура олишмади – 0:0.

Айни дамда айнан “Манчестер Юнайтед” энг кўп голли имкониятларга эга бўлган жамоалар рейтингида пешқадамлик қилмоқда - бешта учрашувда 17 та. Рўйхатда иккинчи ўринни “Ливерпуль” ва “Астон Вилла” (ҳар бири 12 та), учинчи ўринни “Тоттенхэм” ва “Саутгемптон” (11 та) эгаллаган.