"Barselona" bu mavsumda La Ligadagi eng yaxshi ko‘rsatkichga ega.
La Liganing joriy mavsumida 6 ta turda Kataloniya jamoasi futbolchilari 22 ta gol urishdi - bu boshqa jamoalardan ko‘p. Biroq bu gollardan faqat bittasini "Barselona" penaltidan kiritdi.
To‘p kiritish bo‘yicha 2-o‘rinda 14 ta gol urgan "Selta" joylashgan. Madridning "Real" jamoasida La Ligada 13 ta gol bor, shundan 5 tasi penaltidan kiritilgan.
6 turdan keyin "Barselona" 18 ochko bilan Ispaniya chempionati jadvalida peshqadamlik qilmoqda. "Real" esa 4 ochko ortda qolib, ikkinchi o‘rinda bormoqda.
