"Барселона" бу мавсумда Ла Лигадаги энг яхши кўрсаткичга эга.
Ла Лиганинг жорий мавсумида 6 та турда Каталония жамоаси футболчилари 22 та гол уришди - бу бошқа жамоалардан кўп. Бироқ бу голлардан фақат биттасини "Барселона" пенальтидан киритди.
Тўп киритиш бўйича 2-ўринда 14 та гол урган "Сельта" жойлашган. Мадриднинг "Реал" жамоасида Ла Лигада 13 та гол бор, шундан 5 таси пенальтидан киритилган.
6 турдан кейин "Барселона" 18 очко билан Испания чемпионати жадвалида пешқадамлик қилмоқда. "Реал" эса 4 очко ортда қолиб, иккинчи ўринда бормоқда.
