"Barselona" hujumchisi Robert Levandovski "Vilyarreal"ga qarshi o‘yindagi g‘alabadan so‘ng (5:1) intervyu berdi.
Polshalik futbolchi dubl qayd etdi va uchrashuvning eng yaxshi futbolchisi deb topildi. Uchrashuv yakunlangach, 36 yoshli forvarddan Xans-Diter Flik qo‘l ostida jamoa o‘yinida nima o‘zgargani so‘ralgan.
"Biz ko‘proq oldinga o‘ynay boshladik. Mening vazifam - gol urish, ikkinchi qavatdagi kurashda yutish va hujum qilish. O‘ylaymanki, biz jamoa sifatida yaxshi ishlayapmiz va bugun beshta gol urib, buni isbotladik", - deya 6 ta o‘yinda 6 ta gol urgan La Liga to‘purarlari ro‘yxatida peshqadamlik qilayotgan Levandovskidan iqtibos keltiradi Barca Universal.
