Bu haqda UEFA hakamlar qo‘mitasi xabar berdi.

Yevro-2024 chorak finalidan o‘rin olgan Ispaniya va Germaniya terma jamoalari o‘rtasidagi o‘yinda bosh hakam Entoni Teylor 106-daqiqada Jamol Musialaning zarbasidan so‘ng Mark Kukurelyaning qo‘liga to‘p tepgani uchun nemis jamoasiga penalti belgilamadi. VAR epizodga aralashmadi. O‘yin Ispaniyaning 2:1 hisobidagi g‘alabasi bilan yakunlandi.

Relevo xabariga ko‘ra, vaziyat tashkilotning so‘nggi hisobotida ko‘rib chiqilgan bo‘lib, u mezonlarni standartlashtirish maqsadida Yevropa o‘yinlari tahlilini o‘tkazgan. Xabarga ko‘ra, Teylor ham, o‘yinda VAR tizimiga rahbarlik qilgan Styuart Atvell ham xatoga yo‘l qo‘ygan.

"UEFAning so‘nggi ko‘rsatmalariga ko‘ra, darvozaga zarbani to‘xtatgan to‘pga qo‘l tegishi qattiqroq jazolanishi va aksariyat hollarda himoyachining qo‘li tanaga juda yaqin yoki tegib turgan bo‘lmasa, jarima belgilanishi kerak.

Bunda himoyachi Kukurelya tanasiga yaqin bo‘lmagan qo‘li bilan darvoza tomon zarbani to‘xtatadi, shuning uchun penalti belgilanishi kerak edi", deyiladi hujjatda.