Бу ҳақда УEФА ҳакамлар қўмитаси хабар берди.

Евро-2024 чорак финалидан ўрин олган Испания ва Германия терма жамоалари ўртасидаги ўйинда бош ҳакам Энтони Тэйлор 106-дақиқада Жамол Мусиаланинг зарбасидан сўнг Марк Кукурельянинг қўлига тўп тепгани учун немис жамоасига пенальти белгиламади. ВАР эпизодга аралашмади. Ўйин Испаниянинг 2:1 ҳисобидаги ғалабаси билан якунланди.

Relevo хабарига кўра, вазият ташкилотнинг сўнгги ҳисоботида кўриб чиқилган бўлиб, у мезонларни стандартлаштириш мақсадида Европа ўйинлари таҳлилини ўтказган. Хабарга кўра, Тэйлор ҳам, ўйинда ВАР тизимига раҳбарлик қилган Стюарт Атвелл ҳам хатога йўл қўйган.

"УEФАнинг сўнгги кўрсатмаларига кўра, дарвозага зарбани тўхтатган тўпга қўл тегиши қаттиқроқ жазоланиши ва аксарият ҳолларда ҳимоячининг қўли танага жуда яқин ёки тегиб турган бўлмаса, жарима белгиланиши керак.

Бунда ҳимоячи Кукурелья танасига яқин бўлмаган қўли билан дарвоза томон зарбани тўхтатади, шунинг учун пенальти белгиланиши керак эди", дейилади ҳужжатда.