Dortmundning "Borussiya" klubi futbolchisi Feliks Nmecha ushbu mavsumni omadsiz boshladi va ikkinchi marta jarohat oldi.
Feliksdan Nuri Shahin boshchiligidagi murabbiylar shtabi asosiy o‘yinchi sifatida foydalanmoqda, ammo jarohatlar bu rejalarga xalaqit bermoqda. Kichkina jarohati tufayli Nmecha "Bryugge"ga qarshi bahsni zaxirada boshladi, biroq u zaxiradan maydonga tushdi va golli uzatmani amalga oshirdi.
Endi, Rur Nachrichten xabariga ko‘ra, futbolchi yangi jarohati tufayli ochiq mashg‘ulotlarda qatnashmagan. Mashg‘ulotlar kecha bo‘lib o‘tdi. Qayd etilishicha, jarohat jiddiy emas, ammo Feliksning shu juma kuni "Boxum"ga qarshi o‘yinda maydonga tushishiga kafolat yo‘q.
