Дортмунднинг "Боруссия" клуби футболчиси Феликс Нмеча ушбу мавсумни омадсиз бошлади ва иккинчи марта жароҳат олди.

Феликсдан Нури Шаҳин бошчилигидаги мураббийлар штаби асосий ўйинчи сифатида фойдаланмоқда, аммо жароҳатлар бу режаларга халақит бермоқда. Кичкина жароҳати туфайли Нмеча "Брюгге"га қарши баҳсни захирада бошлади, бироқ у захирадан майдонга тушди ва голли узатмани амалга оширди.

Энди, Rur Nachrichten хабарига кўра, футболчи янги жароҳати туфайли очиқ машғулотларда қатнашмаган. Машғулотлар кеча бўлиб ўтди. Қайд этилишича, жароҳат жиддий эмас, аммо Феликснинг шу жума куни "Бохум"га қарши ўйинда майдонга тушишига кафолат йўқ.