"Milan" A Seriya 6-turi doirasidagi o‘yinda o‘z maydonida "Lechche"ni mag‘lub etdi (3:0). "Rossonerilar" ustozi jamoaning ketma-ket g‘alabalariga munosabat bildirdi.
"Ehtimol, odamlar buni kutmagandir, lekin bu futbolning go‘zalligi - hamma narsa ijobiy va salbiy tomonga tez o‘zgarishi mumkinligida", dedi Fonseka Sky Sport bilan o‘yindan keyingi suhbatda. "Derbidan keyin ham xuddi shunday ruhda davom etish va g‘alaba qozonish muhim edi. Muxlislarimiz uzoq vaqt eyforiyada bo‘lishini bilamiz, ammo futbolchilar tezda o‘zlarini tiklab olishdi va yana yaxshi o‘ynashdi", - deydi portugaliyalik mutaxassis.
