"Bayer" bosh murabbiyi Xabi Alonso Vensan Kompani "Bavariya"ni o‘zgartira olganini tan oldi.

"Bavariya"ning o‘yinida kuch va ishonch bor, - deydi ispaniyalik murabbiy o‘tgan mavsumga nisbatan raqiblarining yondashuvidagi o‘zgarishlar haqida so‘ralganda. - Gap faqat bugungi o‘yin haqida emas - biz "Bavariya"ning oldingi o‘yinlarini tahlil qildik. Ular to‘p bilan ham, to‘psiz ham maksimal darajada harakat qilishadi. Ajoyib energiya, mentalitet. Bu "Bavariya" jamoasi juda zo‘r", - dedi Xabi Alonso 1:1 hisobida yakunlangan o‘yindan keyingi matbuot anjumanida.