«Atletiko Madrid» muxlislari «Real» bilan derbiga pichoq bilan tashrif buyurishdi.

Eslatib o‘tamiz, «matraschilar» muxlislari «Real» darvozaboni Tibo Kurtuaga qarata buyumlar otishni boshlaganidan so‘ng, La Liganing 8-tur uchrashuvi to‘xtatilgan edi. Uchrashuv 15 daqiqadan so‘ng davom ettirildi.

"El Chiringuito" xabariga ko‘ra, «Atletiko» sektoridagi muxlislardan birida pichoq borligi aniqlangan, bu esa yuzaga kelishi mumkin bo‘lgan voqealarni yanada og‘irlashtirishi mumkin edi.

«Qo‘lga olinganlarning ba’zilarida ma’lum xavfli qurollar bor edi, ammo biz buni komissiya ixtiyoriga qoldiramiz», dedi polisiya inspektori Xose Luis Tucho.