«Атлетико Мадрид» мухлислари «Реал» билан дербига пичоқ билан ташриф буюришди.

Эслатиб ўтамиз, «матрасчилар» мухлислари «Реал» дарвозабони Тибо Куртуага қарата буюмлар отишни бошлаганидан сўнг, Ла Лиганинг 8-тур учрашуви тўхтатилган эди. Учрашув 15 дақиқадан сўнг давом эттирилди.

"El Chiringuito" хабарига кўра, «Атлетико» секторидаги мухлислардан бирида пичоқ борлиги аниқланган, бу эса юзага келиши мумкин бўлган воқеаларни янада оғирлаштириши мумкин эди.

«Қўлга олинганларнинг баъзиларида маълум хавфли қуроллар бор эди, аммо биз буни комиссия ихтиёрига қолдирамиз», деди полиция инспектори Хосе Луис Тучо.