"Milan" bosh murabbiyi Paulo Fonseka Xabi Alonsoning jamoasi haqida aytgan gaplariga qo‘shilmadi.
Seshanba kuni Leverkuzenda bo‘lib o‘tadigan Chempionlar ligasi o‘yini oldidan "dorishunoslar" bosh murabbiyi "Milan" chuqur himoyalanishga tayyorligini aytdi. Leverkuzenlik futbolchi Jonatan Ta ham xuddi shunday fikrda gapirib, Italiya jamoalarini himoyaviy o‘yinga urg‘u bergani uchun ularni qiyin raqiblar deb atadi.
"Bugun men Xabi Alonsoning aytganlarini o‘qib chiqdim. Italiya jamoalari haqida gap ketganda, odamlar doim bir xil narsani aytadilar - himoya va qarshi hujum o‘yinlari haqida. Men boshqa narsalarni "Milan" kontekstida muhokama qilishni afzal ko‘raman. Bizni shunday qabul qilishni xohlamaymiz.
Shubhasiz, ertaga himoyalanishga to‘g‘ri keladi, chunki biz kuchli jamoaga qarshi o‘ynaymiz, lekin to‘pni qabul qilganimizda biz har doim o‘zimizni ko‘rsatishni xohlaymiz", dedi Fonseka matbuot anjumanida.
