Germaniya terma jamoasi bosh murabbiyi Yulian Nagelsmann kim birinchi raqamli darvozabon bo‘lishi haqida gapirdi.
Manuel Noyer terma jamoaga qaytishdan bosh tortgach, Mark-Andre ter Shtegen jiddiy jarohat olganidan keyin murabbiylar shtabi qiyin savolga duch keldi. Asosiy darvozabon kim bo‘ladi? Birinchi raqam Oliver Baumann yoki Aleksandr Nyubel bo‘ladi, lekin hatto Nagelsmann ham ular o‘rtasida vaqtni qanday taqsimlashni bilmaydi.
"O‘yin vaqti qanday taqsimlanishiga hali 100 foiz ishonchim komil emas. Kimdir bir ikkita o‘yinda ketma-ket asosiy tarkibda maydonga tushadimi yoki ikki darvozabon bittadan o‘yin o‘tkazadimi? Yanis Blasvix ham u yerda. U "Zalsburg"ning asosiy jamoasi darvozaboni va Chempionlar ligasida o‘ynaydi. U yaxshi yigit, bizga guruhni o‘sha 3-raqamda ushlab turadigan odam kerak. Albatta, yaqin haftalarda yaxshi o‘yinlari bilan ishontira oladigan boshqa nomzodlar ham bor", - dedi bosh murabbiy terma jamoa rasmiy saytiga.
11 oktyabr kuni Germaniya safarda Bosniya va Gersegovina bilan o‘ynaydi. 14-kuni Niderlandiya terma jamoasiga qarshi uy uchrashuvi bo‘lib o‘tadi.
