"Bayer" bosh murabbiyi Xabi Alonso "Xolshteyn Xil"ga (2:2) qarshi o‘yinda jamoasi g‘alabani ushlab tura olmagani sababini tushuntirdi.
"Farmasevtlar" 8-daqiqaga kelib 2:0 hisobida oldinga chiqib olishgandi, biroq bor-yo‘g‘i bir ochko bilan kifoyalanishga majbur bo‘lishdi.
"Men baxtli emasman, bu bizning aybimiz. Biz mantiqsiz o‘ynadik va g‘alaba allaqachon cho‘ntagimizda, deb o‘ylagandik, ammo futbolda har doim eng yuqori intensivlikni saqlash kerak.
Biz juda passiv edik. Chempionlar ligasidagi muhim o‘yindan so‘ng, bizda bu o‘yin uchun to‘g‘ri kayfiyat yo‘q edi", - deya Alonsoning so‘zlarini keltiradi Footmob.
