Qozog‘iston terma jamoasi bosh murabbiyi Stanislav Cherchesov Millatlar ligasining 3-turida Avstriya terma jamoasiga qarshi o‘yindagi mag‘lubiyat (0:4) haqida fikr bildirdi.
"Hisob 4:0 bo‘lganida, ko‘p gapirishga hojat yo‘q. Biz juda ko‘p xatolarga yo‘l qo‘ydik. Gol urish imkoniyatlaridan unumli foydalana olmadik va bu jazolanishi mumkin. O‘yinning shiddatliligi juda yuqori bo‘ldi. Avstriya har doimgidek juda yaxshi o‘ynadi va ajoyib formada.
Bu katta mag‘lubiyat emas, lekin biz bundan to‘g‘ri saboq olishimiz kerak. Mag‘lubiyatga qaramay, Sloveniyadagi o‘yinga nisbatan taraqqiyotni ko‘rdim. Biz o‘rganyapmiz, bu futbol", - deydi Cherchesov.
Cherchesov boshchiligidagi uchta uchrashuvda Qozog‘iston terma jamoasi birorta ham g‘alaba qozona olmagan.
