"Barselona" markaziy himoyachisi Pau Kubarsi jamoaning sobiq bosh murabbiyi Xavi Ernandes haqida o‘z fikrlari bilan o‘rtoqlashdi.
Aynan ispaniyalik murabbiy qo‘l ostida yosh futbolchi joriy yilning yanvar oyida "ko‘k anorranglilar"ning asosiy tarkibida debyut qilgandi. O‘shanda markaziy himoyachi 17 yoshga ham to‘lmagan edi.
"Men uchun Xavi doim debyutimni amalga oshirgan murabbiy bo‘lib qoladi. U menga ko‘p yordam berdi, u doimo yonimda edi. Xavi - maydonda ham, maydon tashqarisida ham ajoyib inson", - deya Kataloniya grandi tarkibida 35 ta o‘yinda maydonga tushgan Kubarsining so‘zlaridan iqtibos keltiradi Barca Universal.
