"Барселона" марказий ҳимоячиси Пау Кубарси жамоанинг собиқ бош мураббийи Хави Эрнандес ҳақида ўз фикрлари билан ўртоқлашди.
Айнан испаниялик мураббий қўл остида ёш футболчи жорий йилнинг январь ойида "кўк анорранглилар"нинг асосий таркибида дебют қилганди. Ўшанда марказий ҳимоячи 17 ёшга ҳам тўлмаган эди.
"Мен учун Хави доим дебютимни амалга оширган мураббий бўлиб қолади. У менга кўп ёрдам берди, у доимо ёнимда эди. Хави - майдонда ҳам, майдон ташқарисида ҳам ажойиб инсон", - дея Каталония гранди таркибида 35 та ўйинда майдонга тушган Кубарсининг сўзларидан иқтибос келтиради Barca Universal.
