"Barselona" rahbariyati jamoa tarkibini erkin agentlar orqali kuchaytirish niyatida.

Relevo xabariga ko‘ra, Kataloniya klubi hali 1:1 qoidasiga erishgani yo‘q, shu bois ayni damda shartnoma muddati tugaydigan futbolchilarni nishonga olishmoqda. "Barselona" skautlari "Arsenal" a’zosi Tomas Parti va "Lill" a’zosi Jonatan Devid bilan vaziyatni diqqat bilan o‘rganmoqda, ularning kelishuvi 2025 yilda tugaydi. 1 yanvardan boshlab ular boshqa klublar bilan muzokara olib borishlari mumkin bo‘ladi.

Parti hali "kanonirlar" bilan shartnomasini yangilagani yo‘q. Deku uzoq vaqtdan beri yarim himoyachini kuzatib kelmoqda, biroq Mikel Arteta o‘tgan yozda uning klubni tark etishiga ruxsat bermadi.

Devidga kelsak, hujumchi "Lill"ga yangi shartnoma imzolash niyatida emasligini ma’lum qilgan. Joriy mavsumda u 13 ta o‘yinda maydonga tushib, 9 ta gol urdi va 2 ta golli uzatmani amalga oshirdi.