"Santyago Bernabeu"dagi konsertlar o‘t o‘chiruvchilarning ruxsatisiz o‘tkazildi.
Mundo Deportivo nashri xabar berishicha, bu haqda Más Madridning Madrid shahar kengashiga "Real Madrid" uy arenasi uchun lisenziya bo‘yicha so‘rovidan so‘ng ma’lum bo‘ldi.
Ta’kidlanishicha, so‘rovga javoban shahar hokimiyati 1 avgustdagi hujjatni jo‘natgan, shundan kelib chiqadiki, o‘sha paytda "Santyago Bernabeu" lisenziyasi ko‘rib chiqilayotgan edi. Konsertlar uchun ruxsatnoma o‘t o‘chiruvchilar tomonidan tasdiqlanmagan, ular ijobiy hisobot berishdan oldin "ba’zi tuzatishlar" so‘rashgan.
Madrid shahar kengashi, o‘z navbatida, stadionni "chuqur rekonstruksiya qilish" bo‘yicha ishlarni o‘z ichiga olgan operasion lisenziya faqat 30 avgust kuni berilganini tasdiqladi. Shu tariqa, bir necha oy davomida "Santyago Bernabeu"dagi konsertlar o‘t o‘chiruvchilarning ruxsatisiz o‘tkazildi. Biroq “Real Madrid” va Madrid shahar kengashi 2017 yilda berilgan lisenziyaning amal qilish muddati bo‘lmagani uchun o‘z kuchini saqlab qolganini ta’kidlamoqda.
Eslatib o‘tamiz, avvalroq Madrid rahbariyatining shovqin darajasi bo‘yicha talablari tufayli “Real” oktyabrdan martgacha "Bernabeu"dagi konsertlarini bekor qilgan edi. Klub musiqa va e’lonlar ovozini pasaytirdi, keyin stadionga tutash uylarning aholisini uylarini ovoz o‘tkazmaydigan qilib qo‘yishga taklif qildi, ammo odamlar buni rad etishdi - ularni nafaqat shovqin, balki konsert tomoshabinlari ham bezovta qilishdi.
