"Barselona" vingeri Ansu Fati Kataloniya klubini tark etishni istamayapti. Bu haqda Diario Sport xabar bermoqda.

Manbaga ko‘ra, 21 yoshli ispaniyalik futbolchi "Barselona"ga juda sodiq va jamoaning yangi bosh murabbiyi Xansi Flikni keyingi o‘yinlarda ishontirishga umid qilmoqda.

Eslatib o‘tamiz, Fati o‘tgan mavsumni ijara asosida "Brayton"da o‘tkazgan. Ma’lum bo‘lishicha, "ko‘k-anorranglilar" yana o‘z tarbiyalanuvchisini ijaraga berishmoqchi. Joriy mavsumda Fati uchta uchrashuvda qatnashib, atigi 51 daqiqa maydonda o‘tkazdi. Futbolchining "Barselona" bilan shartnomasi 2027 yilgacha mo‘ljallangan. Transfermarkt ispaniyalik futbolchining narxini 15 million yevroga baholamoqda.