Polsha terma jamoasi kecha Millatlar ligasi 4-turida Xorvatiya bilan durang o‘ynadi - 3:3.

«Barselona» hujumchisi Robert Levandovski o‘yinni zaxiradan boshladi va 62-daqiqada maydonga tushirildi. Qolgan daqiqalarda 1 ta assist berib jamoasining 1 ochko ishlab olishini ta’minlagan Robert o‘yin davomida oyog‘idan zarba qabul qilib olgan.

Qayd etilishicha, futbolchi stadionni oqsoqlanib tark etgan. U Kataloniyaga qaytgach tibbiy ko‘rikdan o‘tadi.

«Barselona»ni oldinda «Sevilya», «Bavariya» va «Real»ga qarshi o‘yinlar kutmoqda.