Польша терма жамоаси кеча Миллатлар лигаси 4-турида Хорватия билан дуранг ўйнади - 3:3.

«Барселона» ҳужумчиси Роберт Левандовски ўйинни захирадан бошлади ва 62-дақиқада майдонга туширилди. Қолган дақиқаларда 1 та ассист бериб жамоасининг 1 очко ишлаб олишини таъминлаган Роберт ўйин давомида оёғидан зарба қабул қилиб олган.

Қайд этилишича, футболчи стадионни оқсоқланиб тарк этган. У Каталонияга қайтгач тиббий кўрикдан ўтади.

«Барселона»ни олдинда «Севилья», «Бавария» ва «Реал»га қарши ўйинлар кутмоқда.