Emmanuel Peti "Barselona"ning Xansi Flik qo‘l ostidagi o‘yinlaridan hayratda.
"To‘g‘risini aytsam, hayronman. Men ular duch kelgan barcha muammolarga qaramay, klubning qanchalik yaxshi ekanligidan hayronman.
Natijalar ajoyib va jamoa yuqori saviyani ko‘rsatmoqda. Biroq, mavsum endigina boshlandi.
"Barselona" murabbiyi sifatida ishlash qiyin, bosim yuqori. Asta-sekin klub boshqacha harakat qila boshlaydi, chunki eski pullar endi yo‘q.
Shu sababli, Flik cheklangan sharoitlarda ishlaydi, ammo hozirgacha u hamma narsani to‘g‘ri qilyapti.
Jamoaga hali ham ba’zi o‘yinchilar yetishmayapti, biroq yosh futbolchilar kuchayib, boshqalarga o‘rnak bo‘lishmoqda", - dedi "ko‘k-anorranglilar"ning sobiq yarim himoyachisi.
