Madridning «Real» klubi bosh murabbiyi Karlo Anchelotti himoyachi David Alaba tez orada safga qaytishini aytdi.
Avvalroq futbolchi jarohati tufayli faoliyatini yakunlashi mumkinligi va mashg‘ulotlarga qaytganidan keyin og‘riqni boshdan kechirayotgani haqida xabarlar tarqalgan edi.
Insayder Fabrisio Romano xabar berganidek, bu haqiqat emas. Avstriyalik futbolchining tiklanish jarayoni reja bo‘yicha ketmoqda - futbolchi, shifokorlar va jismoniy tarbiyachilar tiklanish jarayonidan mamnun. Alaba o‘z rejasini amalga oshirishda davom etmoqda va o‘zini yaxshi his qilmoqda.
