Мадриднинг «Реал» клуби бош мураббийи Карло Анчелотти ҳимоячи Давид Алаба тез орада сафга қайтишини айтди.
Аввалроқ футболчи жароҳати туфайли фаолиятини якунлаши мумкинлиги ва машғулотларга қайтганидан кейин оғриқни бошдан кечираётгани ҳақида хабарлар тарқалган эди.
Инсайдер Фабрицио Романо хабар берганидек, бу ҳақиқат эмас. Австриялик футболчининг тикланиш жараёни режа бўйича кетмоқда - футболчи, шифокорлар ва жисмоний тарбиячилар тикланиш жараёнидан мамнун. Алаба ўз режасини амалга оширишда давом этмоқда ва ўзини яхши ҳис қилмоқда.
