"Chelsi" bosh murabbiyi Enso Mareska jamoaning asosiy futbolchisi Koul Palmerga qaramligi muammosi haqida gapirdi. Hujumkor yarim himoyachi o‘zining ketma-ket ikkinchi super samarali mavsumini o‘tkazmoqda.
"Koul barcha muammolarimizni hal qiladi, deb o‘ylash biz uchun katta xato bo‘lardi. Barcha mas’uliyatni uning yelkasiga yuklay olmaysiz. Bizda yaxshi o‘yin ko‘rsatayotgan boshqa ko‘plab futbolchilar ham bor: Madueke, Neto, Nkunku, Fernandes. Bu shunchaki Palmer emas - bu butun jamoa", - deya Mareskaning so‘zlarini keltiradi Daily Mail.
Yakshanba kuni “Chelsi” safarda turnir jadvalidagi yetakchi “Liverpul”ga qarshi o‘ynaydi.
