"Челси" бош мураббийи Энцо Мареска жамоанинг асосий футболчиси Коул Палмерга қарамлиги муаммоси ҳақида гапирди. Ҳужумкор ярим ҳимоячи ўзининг кетма-кет иккинчи супер самарали мавсумини ўтказмоқда.
"Коул барча муаммоларимизни ҳал қилади, деб ўйлаш биз учун катта хато бўларди. Барча масъулиятни унинг елкасига юклай олмайсиз. Бизда яхши ўйин кўрсатаётган бошқа кўплаб футболчилар ҳам бор: Мадуэке, Нето, Нкунку, Фернандес. Бу шунчаки Палмер эмас - бу бутун жамоа", - дея Маресканинг сўзларини келтиради Daily Mail.
Якшанба куни “Челси” сафарда турнир жадвалидаги етакчи “Ливерпул”га қарши ўйнайди.
