"Chelsi" bosh murabbiyi Enso Mareska "Liverpul"ga qarshi o‘yinda (1:2) hakamlarning qarorlari haqida fikr bildirdi.
"Ushbu o‘yindagi hakamlarning bahsli qarorlariga qanday qarayman? Men xotirjamman. Men xursand emasman, chunki biz mag‘lub bo‘ldik. Lekin men xotirjamman va jamoaning o‘yinidan mamnunman. Hakamning qarorlari sizga tushunarli edi, menga ham tushunarli bo‘ldi, ehtimol, hamma uchun. Hakam qaror qabul qilish uchun bor. Ba’zida ular to‘g‘ri, ba’zida noto‘g‘ri. Bu yerda boshqa gap yo‘q", - dedi Mareska Football.London bilan suhbatda.
Ushbu o‘yindan keyin "Liverpul" 21 ochko to‘pladi va APL turnir jadvalida birinchi o‘rinda bormoqda. "Chelsi" 14 ochkoga ega va oltinchi o‘rinda bormoqda.
