"Bavariya" yarim himoyachisi Aleksandr Pavlovich Germaniya Bundesligasining 7-turida "Shtutgart"ga qarshi o‘yinda olgan jarohatidan keyin operasiya qilindi. Uchrashuv myunxenliklarning yirik hisobdagi g‘alabasi bilan yakunlandi – 4:0.
"Mehrli xabarlaringiz uchun tashakkur. Operasiya yaxshi o‘tdi. Endi imkon qadar tezroq maydonga qaytish uchun hamma narsani qilaman. Men kuchliroq qaytaman", — deb yozdi Pavlovich ijtimoiy tarmoqdagi sahifasida.
Joriy mavsumda Pavlovich barcha turnirlarda to‘qqizta o‘yinda qatnashib, bitta gol va bitta golli uzatmaga mualliflik qildi. Futbolchining klub bilan amaldagi shartnomasi 2029 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 50 million yevroni tashkil qiladi.
