Rivaldo kelasi shanba kuni bo‘lib o‘tadigan klasiko haqida fikrlari bilan o‘rtoqlashdi. "Real" 26 oktyabr kuni La Liganing 11-turida "Barselona"ni qabul qiladi.

"Madridda juda ko‘p pul bor va juda qimmat o‘yinchilarni sotib oladi, "Barselona" o‘z uyidagi futbolchilarga tayanadi, bunday derbiga kelganda esa favoritlar yo‘q.

Madridda bosim bor, chunki ular La Liga va Chempionlar Ligasining amaldagi chempioni va o‘z uylarida o‘ynashmoqda. "Barselona"da akademiyadagi yigitlar, bir qancha tajribali o‘yinchilar, Rafinya bo‘ladi... Lekin shuni aytmoqchimanki, favorit yo‘q.

Menimcha, "Barsa" 2:1 hisobida g‘alaba qozonadi", - dedi "Barselona"ning sobiq yarim himoyachisi.