Albaniyaning Tirana shahrida sport kurashlari bo‘yicha U-23 yosh toifasidagi Jahon chempionatining ikkinchi kungi bellashuvlari o‘tkazilmoqda.
Bugun 77 kg vazn toifasidagi yunon-rim kurashchimiz Doniyorxon Nakibov ham bahslarga kirishdi.
Hamyurtimiz saralash bosqichida norvegiyalik Lyudvik Xerman Xatlandni 8:0, nimchorak finalda amerikalik Jeyms Xanterni 7:1 va chorak final bosqichida vengriyalik Tamas Attila Toyesmagini 9:0 hisobida mag‘lubiyatga uchratdi.
Afsuski, moldovalik Aleksandrin Gutuga qarshi yarim final bahsida Nakibov 1:6 hisobida imkoniyatni boy berib qo‘ydi.
Endilikda Doniyorxon ertangi kun doirasida musobaqaning bronza medali uchun gilamga chiqadi. Uning raqibi o‘tish bosqichidan so‘ng ma’lum bo‘ladi.
