Istanbulning «Fenerbaxche» klubi yarim himoyachisi Sofyan Amrabat Evropa Ligasi umumiy bosqichi 3-turidan o‘rin olgan «Manchester Yunayted»ga qarshi (1:1) o‘yindan so‘ng fikr bildirdi.
«Raqiblarimiz mavsumni yaxshi boshlagani yo‘q, ammo ular baribir juda kuchli jamoa. Bu o‘yinda «Fenerbaxche» yaxshiroq edi. Biz uchta turda birorta mag‘lubiyatga uchramadik. Agar biz xuddi shunday o‘ynashda davom etsak, g‘alaba qozonamiz», - dedi marokashlik yarim himoyachi.
Amrabat o‘tgan mavsum aynan mankunianliklar sharafini himoya qilgandi.
