Dortmundning "Borussiya" klubi ayni damda Nuri Shaxinni iste’foga chiqarish niyatida emas.
Bundesliganing 8-turida dortmundliklar "Augsburg"ga imkoniyatni boy berdi (1:2). Seshanba kuni Shaxin shogirdlari Chempionlar ligasida 2:0 hisobida oldinda bo‘lib turib, yakunda "Real Madrid"ga 2:5 hisobida mag‘lub bo‘ldi.
Jurnalist Florian Plettenbergning so‘zlariga ko‘ra, hozircha klubda murabbiyni almashtirish bo‘yicha munozaralar yo‘q. Lars Rikken va Sebastyan Kel vakili bo‘lgan "Borussiya" rahbariyati bugungi mag‘lubiyatga qaramay, Shahinni qo‘llab-quvvatlashda davom etmoqda.
Jamoa 13 ochko bilan Germaniya chempionati turnir jadvalida 7-o‘rinda bormoqda. Peshqadam "Leypsig"dan farq 7 ochkoni tashkil etadi.
Shahin o‘tgan mavsumda Edin Terzich o‘rniga "Borussiya"ni qabul qilib olgan edi.
