Дортмунднинг "Боруссия" клуби айни дамда Нури Шахинни истеъфога чиқариш ниятида эмас.
Бундеслиганинг 8-турида дортмундликлар "Аугсбург"га имкониятни бой берди (1:2). Сешанба куни Шахин шогирдлари Чемпионлар лигасида 2:0 ҳисобида олдинда бўлиб туриб, якунда "Реал Мадрид"га 2:5 ҳисобида мағлуб бўлди.
Журналист Флориан Плеттенбергнинг сўзларига кўра, ҳозирча клубда мураббийни алмаштириш бўйича мунозаралар йўқ. Ларс Риккен ва Себастьян Кель вакили бўлган "Боруссия" раҳбарияти бугунги мағлубиятга қарамай, Шаҳинни қўллаб-қувватлашда давом этмоқда.
Жамоа 13 очко билан Германия чемпионати турнир жадвалида 7-ўринда бормоқда. Пешқадам "Лейпциг"дан фарқ 7 очкони ташкил этади.
Шаҳин ўтган мавсумда Эдин Терзич ўрнига "Боруссия"ни қабул қилиб олган эди.
