Erik ten Xag "Manchester Yunayted" keyingi o‘yinlarda xarakter ko‘rsatishi kerakligini aytdi.
APLning 9-turida "mankunianliklar" 2-bo‘limga qo‘shib berilgan 2-daqiqada penaltidan gol o‘tkazib, "Vest Xem"ga imkoniyatni boy berishdi (1:2).
"Men futbolchilarimga chin dildan hamdardman. Ular juda yaxshi o‘ynashdi, ular jamoa bo‘lib astoydil kurashishdi, xavfli vaziyatlarda hal qiluvchi o‘ynashdi va biz ko‘proq gol urib, "Vest Xem"ni mag‘lub eta olmaganimiz juda achinarli.
Endi xarakterni yanada faolroq ko‘rsatishimiz kerak. Agar biror narsa bizga qarshi bo‘lsa, biz birga bo‘lishimiz, kurashishni davom ettirishimiz va jangovar ruhimizni saqlab qolishimiz kerak. G‘alabalar jamoaga rag‘bat va ishonch bag‘ishlaydi. Bu bizga oldinga qadam tashlashga imkon beradi, lekin endi biz orqaga qaytmoqdamiz va biz bu umidsizlikni yengishimiz kerak, ammo biz uni yengib o‘tamiz. Biz kuchlimiz, bizda kuchli jamoa bor va chorshanba kuni yana maydonga tushganimizda "Manchester Yunayted" uchun kurashni davom ettiramiz" - dedi "Manchester Yunayted" bosh murabbiyi.
