Niderlandiyalik mutaxassis Erik ten Xagni "Manchester Yunayted" bosh murabbiyligidan bo‘shatish to‘g‘risidagi qaror jamoaviy va bir ovozdan qabul qilindi, deb xabar beradi jurnalist Ben Jeykobs.
Manbaga ko‘ra, klub rahbariyati Ten Xagga yangi sport tuzilmasida ishlash imkoniyatini bermoqchi bo‘lgan, ammo natijalar va ko‘rsatkichlar yetarlicha yaxshi bo‘lmagani mavsum o‘rtasida o‘zgarishlarga turtki bo‘lgan.
Rud van Nistelroy ham doimiy bosh murabbiy izlash davom etar ekan, qisqa muddatga tayinlanishi aytilmoqda. Van Nistelroy "Manchester Yunayted" rahbariyati bilan bir necha bor uchrashgan va ularni hayratda qoldirgan.
