Ruben Amorim Lissabonning "Sporting" jamoasi boshqaruvidagi so‘nggi uchrashuvini o‘tkazgan bo‘lishi mumkin. Portugaliya liga kubogi bahsida “sherlar” o‘z maydonida “Nasional”ni mag‘lub etdi (3:1).

Uchrashuv boshlanishidan avval "Manchester Yunayted" Amorimni tayinlash borasida kelishib olgani ma’lum bo‘ldi. “Qizil iblislar” rahbariyati “Sporting”ga 10 million yevro tovon puli to‘laydi.

Biroq mutaxassisning o‘zi o‘yindan keyingi intervyuda ketishini tasdiqlamadi: "Hali hech narsa hal qilingani yo‘q. Bu xayrlashuv o‘yinimi, bilmayman", - deya Amorimning so‘zlarini keltiradi United Zone.

Ma’lumotlarga ko‘ra, murabbiy "Manchester Yunayted" bilan 3 yillik shartnoma imzolaydi. Ingliz klubida u yaqinda ishdan bo‘shatilgan Erik ten Xag o‘rnini egallaydi.