Рубен Аморим Лиссабоннинг "Спортинг" жамоаси бошқарувидаги сўнгги учрашувини ўтказган бўлиши мумкин. Португалия лига кубоги баҳсида “шерлар” ўз майдонида “Насионал”ни мағлуб этди (3:1).

Учрашув бошланишидан аввал "Манчестер Юнайтед" Аморимни тайинлаш борасида келишиб олгани маълум бўлди. “Қизил иблислар” раҳбарияти “Спортинг”га 10 миллион евро товон пули тўлайди.

Бироқ мутахассиснинг ўзи ўйиндан кейинги интервюда кетишини тасдиқламади: "Ҳали ҳеч нарса ҳал қилингани йўқ. Бу хайрлашув ўйиними, билмайман", - дея Аморимнинг сўзларини келтиради United Zone.

Маълумотларга кўра, мураббий "Манчестер Юнайтед" билан 3 йиллик шартнома имзолайди. Инглиз клубида у яқинда ишдан бўшатилган Эрик тен Хаг ўрнини эгаллайди.