Italiyaning "Napoli" klubi o‘z jamoasining gruziyalik vingeri Xvicha Kvarasxeliya bilan 2027 yilda tugaydigan shartnomasini uzaytirish bo‘yicha muzokaralarni davom ettirmoqda.

Manbaning xabariga ko‘ra, italyan klubi 23 yoshli gruziyalik futbolchiga yillik 1 million yevroga ko‘tarilgan holda 5 million yevro maosh taklif qilmoqda, biroq futbolchining vakillari yiliga 8 million yevro to‘lashni talab qilmoqda.

Qayd etilishicha, klub va futbolchi o‘rtasidagi asosiy qarama-qarshiliklardan biri tovon puli miqdori bo‘lib qolmoqda. Yevropaning top-klublari tomonidan gruziyalik futbolchiga bo‘lgan qiziqish fonida Kvarasxeliyaning atrofidagilar shartnomaga 80 million yevroga sotish sharti kiritilishini talab qilmoqda, o‘z navbatida, "Napoli" bu miqdorni yetarli emas deb hisoblamoqda.

Joriy mavsumda hujumchi barcha turnirlarda 12ta o‘yinda ishtirok etib, beshta gol urdi va ikkita golli uzatmani amalga oshirdi.