Италиянинг "Наполи" клуби ўз жамоасининг грузиялик вингери Хвича Кварацхелия билан 2027 йилда тугайдиган шартномасини узайтириш бўйича музокараларни давом эттирмоқда.
Манбанинг хабарига кўра, италян клуби 23 ёшли грузиялик футболчига йиллик 1 миллион еврога кўтарилган ҳолда 5 миллион евро маош таклиф қилмоқда, бироқ футболчининг вакиллари йилига 8 миллион евро тўлашни талаб қилмоқда.
Қайд этилишича, клуб ва футболчи ўртасидаги асосий қарама-қаршиликлардан бири товон пули миқдори бўлиб қолмоқда. Европанинг топ-клублари томонидан грузиялик футболчига бўлган қизиқиш фонида Кварацхелиянинг атрофидагилар шартномага 80 миллион еврога сотиш шарти киритилишини талаб қилмоқда, ўз навбатида, "Наполи" бу миқдорни етарли эмас деб ҳисобламоқда.
Жорий мавсумда ҳужумчи барча турнирларда 12та ўйинда иштирок этиб, бешта гол урди ва иккита голли узатмани амалга оширди.
