Kataloniyaning «Barselona» klubi bosh murabbiyi Xans-Diter Flik «Espanyol»ga qarshi o‘yin oldidan matbuotga o‘z fikrlarini bildirib o‘tdi.

«Albatta, bu derbi ekanligini tushunaman, demak, o‘yin muxlislar uchun katta ahamiyatga ega. Bu qiyin o‘yin bo‘ladi. Biz uchun maksimal shiddat ko‘rsatish muhim bo‘ladi, biz tayyormiz. Albatta, «Real» ustidan qozonilgan g‘alabadan keyin jamoaning kayfiyati yaxshi, lekin har qanday holatda bo‘shashmasligimiz kerak, oldinda hali butun bir mavsum bor, diqqatimizni jamlashimiz kerak», - dedi Flik o‘yinoldi matbuot anjumanida.

«Barselona» - «Espanyol» o‘yini bugun, 3 noyabr kuni bo‘lib o‘tadi, uchrashuvning boshlanishi Toshkent vaqti bilan 20:15 ga belgilangan.